នៅថ្ងៃទី១១ ខែវិច្ឆិកា ឆ្នាំ២០២២ នេះ ក្រុមកម្ពុជាយើងដែលមានសិស្សឆ្នើមមកពីវិទ្យាល័យ AUPP ចំនួន ៣រូប នឹងចូលរួមកម្មវិធីប្រកួតមនុស្សយន្តអូឡាំព្យាដពិភពលោក (World Robot Olympiad) នៅប្រទេសអាល្លឺម៉ង់ បន្ទាប់ពីទទួលបានជោគជ័យក្នុងការប្រកួតថ្នាក់ជាតិនៅកម្ពុជា ដែលបានបញ្ចប់កាលពីខែតុលា ឆ្នាំ២០២២ កន្លងមក។

មនុស្សយន្តដែលក្រុមកម្ពុជាយកទៅចូលរួមប្រកួតនេះ បានប្រើប្រាស់កម្មវិធីបញ្ញាសិប្បនិម្មិត (Artificial Intelligence) សម្រាប់បញ្ជាតាមរយៈសម្លែង ឬកាយវិការ ហើយមានមុខងារអាចបញ្ជូនដំណឹងពីសុវត្ថិភាព សំអាតផ្ទះ បញ្ជានិងគ្រប់គ្រងបរិក្ខារអគ្គិសនីក្នុងផ្ទះ ធ្វើបដិសណ្ឋារកិច្ច និងអាចសន្ទនាជាមនុស្សបាន។ 

ដើម្បីជាការលើកទឹកចិត្ត ក្រសួងប្រៃណីយ៍និងទូរគមនាគមន៍បានឧបត្ថមសិស្សកម្ពុជា ដែលនឹងចូលរួមការប្រកួតនេះ ដែលនឹងប្រព្រឹត្តិទៅនៅថ្ងៃទី ១៧-១៩ ខែវិច្ឆិកា ឆ្នាំ២០២២ នៅទីក្រុង Dortmund ប្រទេសអាល្លឺម៉ង់។ កម្មវិធីនេះមានការចូលរួមពី ៣៦៥ ក្រុម មកពី ៧៣ប្រទេស ហេីយនឹងផ្សាយផ្ទាល់ Online តាមរយៈតំណភ្ជាប់ www.wro.live ។

ការផ្សាយបន្តផ្ទាល់នឹងមាននៅលើទំព័រនេះនៅពេលវេលាដូចខាងក្រោម៖

• ថ្ងៃព្រហស្បតិ៍ ទី ១៧ខែវិច្ឆិកា វេលាម៉ោង ២២:២០- ០០:០ ( ម៉ោងនៅកម្ពុជា ) ថ្ងៃទី១ សូមចុច ដើម្បីទស្សនាលើយូធូប
• ថ្ងៃសុក្រ ទី ១៨ ខែវិច្ឆិកា ម៉ោង ១៤:២០-១៧:៤៥, ១៩:០០-២០:១៥, ២១:៤៥-២៣:០០, ២៣:៤០-០០:១៥ ( ម៉ោងនៅកម្ពុជា ) ថ្ងៃទី២ សូមចុច ដើម្បីទស្សនាលើយូធូប
• ថ្ងៃសៅរ៍ ទី ១៩ ខែវិច្ឆិកា វេលាម៉ោង ១៤:៥០-១៦:០០, ១៦:២៥-១៨:១៥, ២០:៣០-២៣:០០ ( ម៉ោងនៅកម្ពុជា ) ថ្ងៃទី៣ សូមចុច ដើម្បីទស្សនាលើយូធូប

លោកអ្នកអាចមើលការផ្សាយបន្ដផ្ទាល់ ( Live Stream ) នៅលើទំព័រហ្វេសប៊ុករបស់ TECHNIK BEGEISTERT និង WRO Association.