ដើម្បីការពារសិទ្ធិ និងផលប្រយោជន៍របស់អតិថិជនក្នុងការទទួលបានសេវាទូរគមនាគមន៍ដែលមានគុណភាពខ្ពស់ និងដើម្បីលើកកម្ពស់តម្លាភាពនៃការផ្ដល់ទិន្នន័យ ព្រមទាំងព័ត៌មានជាក់លាក់អំពីស្ថានភាពអ៊ីនធឺណិតរបស់អ្នកប្រើប្រាស់ ក្រសួងប្រៃសណីយ៍និងទូរគមនាគមន៍បានបង្កើតកម្មវិធីវាស់ស្ទង់ល្បឿនអ៊ិនធើណិត "MPTC Speed Test" ។ទន្ទឹមនឹងនឹងនេះ លទ្ធផលនៃការវាស់ស្ទង់របស់អ្នកប្រើប្រាស់នឹងក្លាយជាទិន្នន័យចាំបាច់ សម្រាប់យកទៅវិភាគ និងរកដំណោះស្រាយ សំដៅពង្រឹងគុណភាពសេវាទូរគមនាគមន័ឱ្យកាន់តែប្រសើរ ។

កម្មវិធី MPTC Speed Test នេះ មានមុខងារចម្បងសម្រាប់វាស់ស្ទង់ដំណើរការអ៊ីនធឺណិតនៅគ្រប់ទីកន្លែង និងគ្រប់ពេលវេលា​ ដោយបង្ហាញលទ្ធផលច្បាស់លាស់អំពីល្បឿនទាញយក (Download Speed) ល្បឿនបង្ហោះឡើង (Upload Speed) ភាពយឺតយ៉ាវ (Latency) ភាពរំខាន( Jitter) និងកម្រិតគុណភាពនៃការមើលវីដេអូតាមយូធូបជាដើមដែលជាព័ត៌មានចាំបាច់ក្នុងការប្រើប្រាស់អ៊ីនធឺណិតប្រចាំថ្ងៃ។ 

ក្នុងករណីដែលការវាស់ស្ទង់នេះបានបង្ហាញលទ្ធផលថា គុណភាពសេវាទូរសព្ទ ឬអ៊ីនធឺណិតមានភាពមិនប្រក្រតី ឬស្ថិតនៅកម្រិតមួយមិនអាចប្រើប្រាស់បាន អ្នកប្រើប្រាស់អាចរាយការណ៍មកនិយ័តករទូគមនាគមន៍កម្ពុជា តាមរយៈទូរសព្ទ Hotline ៦៧៨៩ ឬផ្ញើសារមកកាន់អ៊ីមែល qos@trc.gov.kh ដើម្បីប្តឹងតវ៉ា និងស្វែងរកដំណោះស្រាយ។

សូមចុចនៅលើតំណភ្ចាប់ខាងក្រោមសម្រាប់ធ្វើការដោនឡូត ៖

✅ Android: MPTC Speed Test

✅ iOS: MPTC Speed Test