1. ការពារសុវត្ថិភាពគណនី Facebook ដោយកំណត់ពាក្យសម្ងាត់រឹងមាំ និងប្រើប្រាស់មុខងារការផ្ទៀងផ្ទាត់ពីរជាន់ (2FA)  អ្នកត្រូវប្រើប្រាស់មុខងារការផ្ទៀងផ្ទាត់ពីរជាន់​ (2FA)​​ ដើម្បីបន្ថែមខែលការពារ និងប្រើប្រាស់ពាក្យសម្ងាត់ដែលរឹងមាំយ៉ាងហោចណាស់ ៨ ខ្ទង់មានផ្សំលេខ អក្សរតូច-ធំ និងសញ្ញា ដើម្បីការពារសុវត្ថិភាពគណនីបន្ថែមទៀត។
2. ពិនិត្យមើលតួនាទី និងសិទ្ធិអនុញ្ញាតរបស់គណនីគ្រប់គ្រងទំព័រហ្វេសប៊ុក (Facebook Page)   ត្រូវពិនិត្យមើលជាទៀងទាត់ចំពោះអ្នកដែលមានសិទ្ធិចូលគ្រប់គ្រងទំព័រហ្វេសប៊ុករបស់អ្នក ត្រូវមានអ្នកគ្រប់គ្រងច្រើនជាងមួយសម្រាប់ទំព័រហ្វេសប៊ុក ដូច្នេះក្នុងករណីដែលអ្នកបាត់បង់សិទ្ធិចូលប្រើក្នុងករណីណាមួយនៅមានអ្នកទុកចិត្តអាចជួយរក្សាទំព័ររបស់អ្នកឱ្យដំណើរការ និងធ្វើឱ្យអ្នកអាចត្រលប់មកគ្រប់គ្រងវិញ។
3. ពិនិត្យមុននឹងទទួលយកសំណើអេត (add) ពីជនដែលមិនស្គាល់   ជនបោកប្រាស់អាចបង្កើតគណនីក្លែងក្លាយក្នុងការប៉ុនប៉ងធ្វើមិត្តភក្ដិរបស់អ្នក។ ការទទួលយកសំណើអេត (add) ពីជនដែលមិនស្គាល់អាចជួបហានិភ័យនៃការបោកប្រាស់ (spam)​។
4. ប្រយ័ត្នចំពោះតំណភ្ជាប់គួរឱ្យសង្ស័យ និងកម្មវិធីដែលមានមេរោគ   តាមដានតំណភ្ជាប់ដែលអ្នកមិនស្គាល់ ជាពិសេសប្រសិនបើផ្ញើពីមនុស្សដែលអ្នកមិនបានស្គាល់ច្បាស់ ឬទុកចិត្ត។ សូមប្រយ័ត្នកុំចុចលើតំណភ្ជាប់ដែលគួរឱ្យសង្ស័យ បើកឯកសារគួរឱ្យសង្ស័យ ឬដំឡើងកម្មវិធីណាគ្មានប្រភព ឬ browser extension។
5. ចូរប្រយ័ត្នចំពោះព័ត៌មានដែលអ្នកចែករំលែកលើហ្វេសប៊ុក    ហ្វេសប៊ុកជាវេទិកាសាធារណៈមួយដែលរាល់ការបង្ហោះអាចត្រូវបានមើលឃើញ ដោយបុគ្គល ដែលជាមិត្តភក្តិ ឬអ្នកដទៃ (Friends or Public)។ មុននឹងចុចបង្ហោះ អ្នកគួរតែគិតពិចារណាមុននឹងបង្ហោះតើព័ត៌មាននេះជាព័ត៌មានរសើប (Sensitive) ដែរឬទេ។

Source: https://www.facebook.com/business/news/tips-to-keep-your-facebook-account-and-business-page-secure