តើអ្វីទៅគឺជាកម្មវិធីគ្រប់គ្រងពាក្យសម្ងាត់ ?

កម្មវិធីគ្រប់គ្រងពាក្យសម្ងាត់ (Password Manager) គឺជាកម្មវិធីកុំព្យូទ័រដែលអនុញ្ញាតឱ្យ អ្នកប្រើប្រាស់ អាចធ្វើការរក្សាទុក និងគ្រប់គ្រងពាក្យសម្ងាត់ដោយសុវត្ថិភាពនៅពេលអ្នកចូល ទៅកាន់គេហទំព័រ ឬ បណ្តាញផ្សព្វផ្សាយសង្គមណាមួយ ។ វាជួយរក្សាទុកនូវឈ្មោះរបស់អ្នក ប្រើប្រាស់ (username) និងពាក្យសម្ងាត់ (Password) ដែលអ្នកបានកំណត់យ៉ាងមានសុវត្ថិភាព ហើយម៉្យាងទៀត អ្នកអាចប្រើដើម្បីបង្កើតលេខសម្ងាត់ស្វ័យប្រវត្តិថ្មីមួយដែលរឹងមាំ ។

ហេតុអ្វីបានជាចាំបាច់ប្រើកម្មវិធីគ្រប់គ្រងពាក្យសម្ងាត់

• អាចសមកាលកម្ម (Synchronize) ពាក្យសម្ងាត់របស់អ្នកនៅលើឧបករណ៍ផ្សេងៗ
• ប្រាប់ឱ្យដឹងនៅពេលដែលកំពុងប្រើពាក្យសម្ងាត់ដដែលក្នុងគណនីផ្សេងគ្នា
• ជូនដំណឹងដល់អ្នកប្រសិនបើពាក្យសម្ងាត់របស់អ្នកលេចឡើង ឬត្រូវបានគេយកទៅប្រើប្រាស់នៅគេហទំព័រ ឬ បណ្តាញសង្គមផ្សេងៗ ដែលលោកអ្នកពុំស្គាល់ ។

គុណសម្បត្តិនៃការប្រើប្រាស់កម្មវិធីគ្រប់គ្រងពាក្យសម្ងាត់ ( Password Manager)

• រក្សាទុកពាក្យសម្ងាត់របស់អ្នកទាំងអស់ដោយសុវត្ថិភាពនៅកន្លែងតែមួយ
• បង្កើតពាក្យសម្ងាត់រឹងមាំ និងតែមួយគត់សម្រាប់គណនីមួយៗ ដែល ជួយការពារពីការលួចចូល និងការលួចអត្តសញ្ញាណ
• បំពេញព័ត៍មានឈ្មោះអ្នកប្រើប្រាស់ និងលេខសម្ងាត់ចូលដោយស្វ័យប្រវត្តិ 
• ត្រូវការចងចាំតែពាក្យសម្ងាត់មេមួយប៉ុណ្ណោះ ដើម្បីអាចឱ្យចូល ប្រើប្រាស់ពាក្យសម្ងាត់ផ្សេងៗទៀតបាន នៃគណនីរបស់អ្នក ។

សូមណែនាំកម្មវិធីគ្រប់គ្រងពាក្យសម្ងាត់(Password Manager)មួយចំនួនដែលមានភាពពេញនិយម មានប្រសិទ្ធភាព អាចជឿទុកចិត្ត ព្រមទាំងផ្ដល់នូវសុវត្ថិភាពខ្ពស់ក្នុងការប្រើប្រាស់មានដូចជា៖

• 1Password
• Bitwarden
• Dashlane
• Nordpass
• Google Password Manager