តើអ្វីជា ដានជើងឌីជីថល-Digital Footprint ? 

 ដានជើងឌីជីថល-Digital Footprint សំដៅលើដាននៃទិន្នន័យ ឬព័ត៌មានដែលបន្សល់ទុកដោយសកម្មភាពរបស់អ្នកប្រើប្រាស់អ៊ីនធឺណិតដូចជាការបង្ហោះនៅលើបណ្តាញសង្គម ការទិញទំនិញតាមអនឡាញ និងការចូលមើលគេហទំព័រផ្សេងៗជាដើម។

ហេតុអ្វីបានជាចាំបាច់ត្រូវយល់ដឹងពីដានជើងឌីជីថល? 

អ្នកត្រូវយកចិត្តទុកដាក់លើ ដានជើងឌីជីថល-Digital Footprint ព្រោះវាអាចបង្កជា ហានិភ័យដល់ ឯកជនភាព និងសុវត្ថិភាពរបស់យើងបាន។ ឧទាហរណ៍: ព័ត៌មានផ្ទាល់ខ្លួនដែលអ្នកបានបន្សល់ទុកនៅលើបណ្តាញសង្គម អាចត្រូវបានឧក្រិដ្ឋជន តាមអ៊ីនធឺណិត ឬចោរបច្ចេកវិទ្យាប្រើប្រាស់ដើម្បី លួចយកគណនីអនឡាញ អត្តសញ្ញាណ ឬបន្លំក្នុងគោលបំណងមិនល្អណាមួយ ជាដើម។

វិធីសាស្រ្ត ដើម្បីគ្រប់គ្រងហានិភ័យនៃដានជើងឌីជីថល៖

• ជៀសវាងបង្ហោះព័ត៌មានផ្ទាល់ខ្លួនច្រើនពេក ដោយចែករំលែកតែព័ត៌មានណាដែលចាំបាច់
• ជៀសវាងចូលគេហទំព័រដែលមិនមានប្រភពច្បាស់លាស់ ឬមិនមាន SSL 

• សូមប្រុងប្រយ័ត្នលើការចុចលើតំណភ្ជាប់ ឬទាញយកឯកសារ ពីប្រភពឬបុគ្គលចែករំលែកព័ត៌មានដែលមិនស្គាល់

• កំណត់ពាក្យសម្ងាត់ដែលរឹងមាំនិងប្រើកម្មវិធីគ្រប់គ្រងពាក្យសម្ងាត់
• ប្រើប្រាស់ Virtual Private Network (VPN) ដើម្បីកូដនីយកម្ម (encrypt) ទិន្នន័យ ឬព័ត៌មាននៃសកម្មភាពប្រើប្រាស់អ៊ីនធឺណិតរបស់អ្នក ជាទម្រង់កូដ

• ពិនិត្យលើការកំណត់ឯកជនភាព (Privacy)នៅលើប្រព័ន្ធបណ្តាញសង្គម ដោយរឹតបន្តឹង ឬមិនអនុញ្ញាតឱ្យជនមិនស្គាល់អាចចូលមើលព័ត៌មានផ្ទាល់ខ្លួនរបស់អ្នក។