តើអ្នកមានដឹងអត់ ថាថ្មីៗនេះ ក្រុមហ៊ុន Microsoft បានដាក់បញ្ចូល Ai Chatbot មួយ ចូលទៅក្នុងកម្មវិធីតេឡេក្រាម ដែលអាចឱ្យយើងសន្ទនា សួរសំណួរ ដោះស្រាយលំហាត់គណិតវិទ្យា ឬការស្វែងរកអ្វីមួយ បានដោយឥតគិតថ្លៃនៅក្នុងTelegramដែលមាននៅលើទូរសព្ទ និងកុំព្យូទ័ររបស់យើង។

តោះ ! មកស្វែងយល់ពីវាទាំងអស់គ្នា

ក្នុងយុគសម័យឌីជីថល ការប្រើប្រាស់បច្ចេកវិទ្យាស្វ័យប្រវត្តិកម្មមានសន្ទុះប្រើប្រាស់យ៉ាងខ្លាំង ។ ចាប់តាំងពីវត្តមានរបស់បញ្ញាសិប្បនិម្មិត AI បានកើតឡើង យើងតែងតែលឺអ្នកនិយមប្រើប្រាស់បណ្ដាញអ៊ីនធើណិត បាននិយាយ និងចែករំលែកព័ត៌មានពីវាជាច្រើន ហើយថ្មីៗនេះ Microsoft Copilot កំពុងពង្រីកវត្តមាន និងមានសមត្ថភាពយ៉ាងខ្លាំងផងដែរ។

តើ Copilot គឺជាអ្វី ?

• Copilot គឺជា Ai Chatbot មួយរបស់ក្រុមហ៊ុន Microsoft ដែលយើងអាចចូលប្រើប្រាស់បាន តាមរយៈ Bing, Microsoft Edge, Mobile Application, Web Browser។ 

• ហើយថ្មីៗនេះ ក្រុមហ៊ុន Microsoft បានដាក់បញ្ចូល Ai Chatbot មួយនេះចូលទៅក្នុងកម្មវិធីតេឡេក្រាម ដែលអាចឱ្យយើងប្រើប្រាស់សាកល្បង ដោយឥតគិតថ្លៃនៅលើទូរសព្ទ និងកុំព្យូទ័រ ។

• Copilot អាចជួយអ្នកក្នុងកិច្ចការផ្សេងៗជាច្រើនដូចជា ឆ្លើយសំណួរ សរសេរអត្ថបទរបាយការណ៍ 

សរសេរកូដ បង្កើតមាតិកា បកប្រែ ការដោះស្រាយលំហាត់គណិតវិទ្យា សង្ខេបឯកសារនៅក្នុងវែបសាយ ជួយកំណត់កម្មវិធីរុករកតាមការចូលចិត្តរបស់អ្នក និងមានទម្រង់មុខងារអត្ថប្រយោជន៍ជាច្រើនទៀត។

• ក្រុមហ៊ុនបច្ចេកវិទ្យាជាច្រើនបានដាក់បញ្ចូលនូវ Large language models ដែលជា Machine Learning មួយដែលអាចបំប្លែង និងបង្កើតនូវសំណេរភាសារបស់មនុស្ស។

Copilot ដែលបានដាក់ឱ្យប្រើប្រាស់ជាផ្លូវការនៅក្នុងកម្មវិធីតេឡេក្រាម គឺមានសញ្ញាធីកពណ៌ខៀវ និង មាន Username “@CopilotOfficialBot” ។

ដូច្នេះដើម្បីចូលទៅកាន់ Copilot នៅក្នុងកម្មវិធីតេឡេក្រាម យើងត្រូវ

• ចូលទៅកាន់ប្រអប់ស្វែងរក > វាយពាក្យ “@CopilotOfficialBot

• រួច Click លើពាក្យ “Start”

• បន្ទាប់មក Click លើពាក្យ “I Accept”

• សារបន្ទាប់នឹងលោតមក ដើម្បីឱ្យយើង Click លើពាក្យ “ Send my mobile number” ដើម្បីធ្វើការបញ្ជាក់អត្តសញ្ញាណគណនីតេឡេក្រាមរបស់អ្នក ជាមួយនឹងលេខទូរសព្ទ

• Click លើ Button OK

• បន្ទាប់មក យើងអាចវាយបញ្ចូលជាសំណួរ ឬតំរូវការផ្សេងៗតាមគំនិតរបស់យើងទៅកាន់ Copilot ដើម្បីឱ្យជួយដោះស្រាយ ចែករំលែកជូនលោកអ្នក។

យើងទាំងអស់គ្នាគួរតែស្វែងយល់ និងសាកល្បងក្នុងការប្រើប្រាស់ Copilot AI Chatbot មួយនេះ ដើម្បីជាជំនួយការសម្រាប់ជួយដល់កិច្ចការប្រចាំថ្ងៃរបស់យើង ។

👉🤖 ទស្សនាវីដេអូអំពី Microsoft Copilot