“គិតគូរកូន” – យុទ្ធនាការឌីជីថល

ក្រសួងប្រៃសណីយ៍និងទូរគមនាគមន៍បានចាប់ផ្តើមយុទ្ធនាការឌីជីថល “Kit Kou Kon” ដើម្បីលើកកម្ពស់ការយល់ដឹងអំពីសុវត្ថិភាពកុមារតាមអ៊ីនធឺណិត រួមបញ្ចូលទាំងហានិភ័យដែលបង្កឡើងចំពោះកុមារតាមរយៈការប្រើប្រាស់បច្ចេកវិទ្យាឌីជីថល ព្រមទាំងផ្តល់ជូនឪពុកម្តាយ និងអាណាព្យាបាលនូវព័ត៌មានចាំបាច់ស្តីពីការបង្ការ និងភាពព្រួយបារម្ភផ្សេងៗទៀត។ រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានលើកឡើងពីទិន្នន័យដែលបង្ហាញថា អ្នកប្រើប្រាស់អ៊ីនធឺណិតនៅកម្ពុជាដល់ទៅ 26% ធ្លាប់ទទួលរងការបៀតបៀនផ្លូវភេទតាមអ៊ីនធឺណិត ហើយភាគច្រើននៃអ្នកទាំងនោះគឺជាកុមារ។