ឯកឧត្តម ជា វ៉ាន់ដេត
រដ្ឋមន្ដ្រី នៃក្រសួង
ប្រៃសណីយ៍និងទូរគមនាគមន៍
កម្មវិធី "កម្ពុជាឆ្ពោះទៅឌីជីថល" នឹងក្លាយជាមជ្ឈមណ្ឌលប្រមូលផ្តុំធនធានសម្រាប់លើកកម្ពស់សមត្ថភាពឌីជីថល ដោយសហការរវាងវិស័យសាធារណៈ និងវិស័យឯកជន ព្រមទាំង ផ្តល់ឱកាសឱ្យសាធារណជនចូលរួមផ្តល់គំនិតថ្មីៗ តាមរយៈកម្មវិធីប្រកួតប្រជែងផលិតវីដេអូ និងការផលិតមាតិកាអប់រំឌីជីថល។ ខ្ញុំសូមលើកទឹកចិត្តគ្រប់តួអង្គពាក់ព័ន្ធ ចូលរួមគាំទ្រកម្មវិធីនេះ ឱ្យសម្រេចបានជោគជ័យតាមការរំពឹងទុក តាមរយៈការចូលរួមផលិតមាតិកាអប់រំ ទទួលយកចំណេះដឹងថ្មីៗបន្ថែម និងផ្សព្វផ្សាយបន្ត។ ចូលរួមទាំងអស់គ្នា ដើម្បីកម្ពុជាឆ្ពោះទៅឌីជីថល។
ចក្ខុវិស័យ
ចូលរួមគាំទ្រ និងកសាងសង្គមឌីជីថល មួយប្រកបដោយបរិយាបន្ន ក្រោមទស្សនៈមួយគឺ ចូលរួមទាំងអស់គ្នា ដើម្បីកម្ពុជាឆ្ពោះទៅឌីជីថល
បេសកកម្ម
ការចូលរួមជំរុញឌីជីថល
បើកឱកាសនិងជំរុញការចូលរួមគ្រប់គ្នាដើម្បីកសាងសង្គមឌីជីថលរស់រវើក
ការអភិវឌ្ឍសមត្ថភាព និងផ្សព្វផ្សាយចំណេះដឹងឌីជីថល
បង្កើនជំនាញ និងចំណេះដឹងឌីជីថល ដើម្បីយល់ដឹងពីការប្រើប្រាស់បច្ចេកវិទ្យាឌីជីថលប្រកបដោយទំនុកចិត្ត និងសុវត្ថិភាព
ការចូលប្រើប្រាស់ឌីជីថល
លើកកម្ពស់ការប្រើប្រាស់ប្រព័ន្ធឌីជីថលពេញលេញ ប្រកបដោយប្រសិទ្ធភាព ដើម្បីធានាថាប្រជាជនគ្រប់រូបអាចចាប់យកបច្ចេកវិទ្យាឌីជីថល
